வயது முதிர்ந்த தம்பதியினரின் பிரியா பாசம்
வாணியம்பாடி அடுத்த பூங்குளம் பகுதியில்
மனைவி இறந்த அடுத்த நொடியிலேயே அதிர்ச்சியில் கணவரும் உயிரிழந்த சோக செய்தியால் கிராம மக்கள் அனைவரையும் பெரிதும் சோகத்தில் ஆழ்த்தியது.
திருப்பத்தூர் மாவட்டம் வாணியம்பாடி அடுத்த பூங்குளம் கிராமத்தை சேர்ந்த வயது முதிர்ந்த தம்பதியினர் ராஜா (வயது 65)
ஜோதி (வயது-60) இவர்களுக்கு 3 பிள்ளைகள் உள்ளனர்.
விவசாயம் செய்து குடும்பத்தை நடத்தி வந்தனர். மனைவி ஜோதி கடந்த 2 ஆண்டுகளாக உடல் நலம் பாதிக்கப்பட்டு இருந்த இந்நிலையில் ஜோதியை அவரது உறவினர்கள் வேலூர் அரசு மருத்துவக் கல்லூரி மருத்துவமனையில் சிகிச்சைக்காக சேர்த்தனர்.
சிகிச்சை பலனின்றி திடீரென உயிரிழந்தார். இந்த செய்தியை கேட்ட அவரது கணவர் ராஜா அதிர்ச்சியில் அடுத்த நொடியே வீட்டில் மயங்கி விழுந்து உயிரிழந்துள்ளார். இந்த தகவல், அறிந்த வாணியம்பாடி சட்டமன்ற உறுப்பினர் செந்தில்குமார் இருவர் உடலுக்கும் நேரில் சென்று அஞ்சலி செலுத்தி குடும்பத்தினருக்கு ஆறுதல் கூறினார்.
வயது முதிர்ந்த தம்பதியினர் 2 பேரும் அடுத்தடுத்து உயிரிழந்த சம்பவம் பூங்குளம் கிராம மக்கள் அனைவரையும் பெரும் சோகத்தில் ஆழ்த்தியது. கிராம மக்கள் ஒன்று திரண்டு சென்று இருவரின் உடல்களுக்கும் அஞ்சலி செலுத்தினர்.
